Царскiй опричникъ № 1
Исповедание Православной Веры в части о Самодержавии1. Верую во Едину Святую Соборную и Апостольскую Церковь еже есть Восточная Православная (греко-российская), принимаю и исповедаю все учение Ея, все таинства Ея, все предания Ея, все соборы Ея, все каноны и установления Ея, всех святых Ея, весь образ благочестия Ея и ничтоже от себе присовокупляю.
2. Исповедаю ведение Бога Отца точию в сей Церкви быти. Иже бо аще не чтит Сына Божия отцем своим Бога никакого имать, ниже отметаяйся Церкви сей Бога имети Отцом своим да не мечтает. Наипаче же со жидами-христоубийцами нераскаянными единаго Отца Небеснаго имети невозможно ми есть.
3. Исповедаю Церковь сию новым духовным Израилем быти, пророков Божиих отцами своими имущим. Пророкоубийственное же сонмище жидовское, бесчествующее пророки, яко не ведящих Владыку Христа,- в сынех пророческих да не вменится.
4. Исповедаю, яко людии сии Ветхаго Израиля во христоубийстве не покаявшийся, избрание Божие к тому никакоже имут, паче же отвержение от лица Его. Приемлет же избрание и усыновление Божие всякий от сонмища жидовского отрицаяйся и нелестно Христу сочетаваяйся.
5. Заповеди Христовы, яже точию сей Церкви вверены суть, исповедаю в ней единей исполними быти, заповедей же человеческим, яже во всяцем зловерии заключени суть, да не последую: ничтоже бо в себе Божие содержат.
6. Исповедаю Церковь сию обладающу всей полнотой Христовой истины и ведения Божия, елико человеком возможно есть. Сего ради не имать Церковь ни единой нужды общения со зловерием еретическим ни по коему же словеси.
7. Исповедаю в Церкви сей чину Царя Самодержавия быти и благодати Божией на главе Помазанника, в Таинстве Царства приемлемой, пребывати. Вяшщим же в сем служении Православного Царя быти охранению Церкви Святей и учения Ея, и образа благочестия Ея, и уставов Ея, и всего земнаго бытия Ея.
8. Исповедаю, яко вне Царства сего Православного Церковь Христова гонима есть, яве или отай, и немнози суть иже при гонении сем спастися имут. Сего ради якоже и прежде во вся века Церковь о Царстве Православном моляшеся, тако и аз ныне молюся, да созиждет Господь Царство сие в земли нашей во еже оградити Церковь от всякого гонения и соблазна.
9. Верую и исповедаю, яко не человеки спасают Церковь и ничтоже пользует или созидает ю, яко тело Христово согласие со враги ея, таже отказ от малейшей заповеди Христовой и установления церковнаго в угоду врагам ея за обещание благ тленных, но Церковь спасает человеков силою Возлюбившаго ю Христа.
10. Исповедаю в Церкви сей единому священному летосчислению быти, еже есть глаголется Иулианский календарь, также и Пасхалию, глаголемую Александрийскую, ихже святии отцы триста и осьмнадесять Перваго Вселенскаго собора иже в Никеи законоположиша, во еже со жидами вместе Пасху ктому не праздновати. Нововведения же в летосчисление сие отвергаю и анафематствую, писаниям святых отец и многочисленным святым собором последующе неуклонно.
